குந்தவியின் குறிப்புகள்

காந்தளூர்ச் சாலை கலமறுத்தல்   நான் சோழ வரலாற்றில் , குறிப்பாக முதலாம் இராஜராஜ சோழரின் வரலாற்றில் மிகுந்த ஈடுபாடு கொண்டவள். எனது பணியின் காரணமாக நாஞ்சில் நாட்டில் வசிக்கும், இந்த காலகட்டத்தில்  இந்த மண்ணோடு ஏற்பட்ட நெருக்கமே, காந்தளூர்ச் சாலை கலமறுத்தல் என்ற இராஜராஜ சோழனின் குறிப்பிடத்தக்க வெற்றியைப் பற்றி  எழுத வேண்டும் என்ற எண்ணத்தை எனக்குள் உருவாக்கியது. பார்த்திவபுரம், விழிஞ்ஞம், காந்தளூர் போன்ற இடப்பெயர்கள், ஆய் அரசர்கள், பாண்டியர்கள், சேரர்கள், சோழர்கள் ஆகியோரின் நீண்ட அரசியல் தொடர்புகளை நினைவூட்டுகின்றன. அந்த வரலாற்றின் மையத்தில் நிற்கும் புகழ்பெற்ற கல்வெட்டு வரி:  “காந்தளூர்ச் சாலை கலமறுத்தருளிய ஸ்ரீராஜராஜதேவர்.” முதலாம் இராஜராஜர் தன் மெய் கீர்த்தி யில் முதலில் குறிப்பிடுவது காந்தளூர் சாலை கலமறுத்த நிகழ்வு தான். காந்தளூர் சாலை பற்றிய வரலாற்றின் பக்கங்களை ஆராய்ந்தால், அது பண்டைய ஆய் வேள் அரசர்களுடன் தொடர்பு உடையது. இன்றைய கன்னியாகுமரி மற்றும் தென் கேரளப் பகுதிகளை உள்ளடக்கிய இந்த நிலப்பரப்பு, கிழக்கு–மேற்கு மலைப்பாதைகளுக்கும் மேற்குக் கடற்கரைக்கும் இடையே ...

சோழப் பேரரசின் கொடி வெற்றிக் காற்றில் பறந்துகொண்டிருந்த காலம் அது. மிக சமீபத்தில் தான் சோழ தேசம், திருப்பதியை சுற்றி இருந்த சீட் புலி நாடு, நுளம்ப தேசம் ஆகியவற்றை வெற்றி கொண்டு இருந்தது. அந்த வெற்றியில் முக்கியப் பங்கு வகித்தவர் பரமன் மழபாடியார். மன்னர் இராஜராஜ சோழனுக்கு நெருக்கமான வீரத் தலைவன் மட்டுமல்ல; இளவரசி குந்தவைப் பிராட்டியாருக்கும், அவரது கணவர் வந்தியத்தேவனுக்கும் மிகவும் நெருக்கமானவர். நுளம்ப தேச வெற்றிக்குப் பின்னர், அந்த வெற்றியை அளித்த அவரது இஷ்ட தெய்வத்திற்கு நேர்த்தி கடன் நிறைவேற்றும் பொருட்டு பரமன் மழபாடியார் காஞ்சிபுரம் கச்சபேஸ்வரர் திருக்கோயிலில் ஜஜ்ஜந்தி துர்க்கைக்கு ஆயிரம் ஆடுகளை சாவா மூவா பேராடுகளாக காணிக்கையாக அளிக்க முடிவு செய்தார். அந்த விழாவிற்காக அவருடைய மனைவி கங்கம்மாளும் உடன் வந்திருந்தாள்.கங்கம்மாளின் பிறப்பிடம் தில்லைச் சிதம்பரம். ஆனால் அவளது பிறப்பின் பெருமை தில்லைவாசி என்பதோடு முடிந்துவிடவில்லை. அவள் வந்த மரபின் நினைவு இன்னும் தொன்மையானது. சோழ நாட்டின் எருக்கத்தம்புலியூரில் பிறந்து, யாழின் நரம்புகளில் சிவபக்தியை இசையாக்கிய திருநீலகண்ட யாழ்ப்பாண நாயனார் ...

ஓணம் இன்று கேரளத்தின் மிகப்பெரிய பண்பாட்டு விழாவாகக் கொண்டாடப்படுகிறது. அத்தப்பூக்கோலம், ஓணசத்யா, புத்தாடை, வள்ளம் களி, புலிக்கலி, மகாபலி எனப் பல அடையாளங்களைக் கொண்ட இந்த விழாவின் வரலாறு, கேரளத்தின் இன்றைய எல்லைகளுக்குள் மட்டும் அடங்கிவிடுவதில்லை. அதன் தொன்மையான இலக்கியச் சுவடுகளை சங்கத் தமிழிலக்கியத்திலேயே காண முடிகிறது. சங்ககாலப் பாண்டிய நாட்டின் தலைநகரான மதுரையின் வாழ்க்கையை மிக அழகாகப் பதிவு செய்தவர் மாங்குடி மருதனார். அவர் இயற்றிய மதுரைக்காஞ்சி , அக்கால மதுரையின் அரசியல், வணிகம், கலை, சமயம், மக்கள் வாழ்க்கை, விழாக்கள் ஆகிய அனைத்தையும் நம் கண்முன் கொண்டு வருகிறது. அதில் ஓணத்தைப் பற்றிய மிக முக்கியமான வரிகள் இடம்பெறுகின்றன: “கணங்கொள் அவுணர்க் கடந்த பொலந்தார் மாயோன் மேய ஓண நன்னாள்” அதாவது, அசுரர்களை வென்ற மாயோனாகிய திருமாலுக்குரிய ஓணத்தின் நன்னாள் என்று மாங்குடி மருதனார் குறிப்பிடுகிறார். இதன் மூலம் சங்ககால மதுரையிலேயே ஓணம் ஒரு அறியப்பட்ட திருநாளாக இருந்தது என்பது தெளிவாகிறது. இன்று கேரளத்தின் தனித்துவமான அடையாளமாகக் கருதப்படும் ஓணம், பண்டைய தமிழ்ச் சமூகத்திலும் அறியப்பட்டு ...

பத்திரன்கோட்டை, தென்காசி அருகே உள்ள சிறிய ஊர்‌. ஊரே தேர்தல்‌ பரப்பரப்பிலும்‌, கொரானா இரண்டாவது அலையின்‌ பரப்பப்பிலும்‌ இருக்க, தன்‌ உலகத்துக்கும்‌ அதற்கும்‌ சம்பந்த இல்லை என்பது போல்‌, அந்த ஊரின்‌ வடபுறத்தில்‌ அமைந்திருந்த ஆபத்து காத்த அம்மன்‌ கோவிலின்‌ சப்த மாத சன்னிதியை வெறித்து பார்த்தப்படி அமர்ந்து இருந்தாள்‌ ஸ்ரீஜா. ஸ்ரீஜா ஒரு தமிழ்‌ தொலைக்காட்சியின்‌ ஒரு நிகழ்ச்சியின்‌ க்ரியேட்வ்‌ ஹெட்‌. அவளுக்கு சிறுவயதிலேயே அமானுஷ்யம்‌, வரலாற்றில்‌ ஆர்வம்‌ அதிகம்‌. அந்த ஆர்வத்துடன்‌ அவள்‌ கற்பனை திறனும்‌ இனைய 25 வயதிலேயே பிரபல தொலைக்காட்சியின்‌ ப்ரைம்‌ ஸ்லாட்‌ நிகழ்ச்சியின்‌ க்ரியேட்வ்‌ ஹெட்‌ ஆக முடிந்தது.அவள்‌ தென்காசி வந்தது, வாரம்‌ ஒரு அமானுஷ்யம்‌ என்ற நிகழ்ச்சிக்காக. தென்காசி மலையடிவாரத்தில்‌ குடில்‌ அமைத்து, கூடு விட்டு கூடு பாயும்‌ விந்தையான பரகாய ப்ரவேசத்தில்‌ இருந்து அஷ்டமா சித்து வரை தன்னால்‌ செய்ய முடியும்‌, கொரானாவிற்கு மருந்து இமயமலையில்‌ உள்ளது, அதை தன்னால்‌ கண்டறிய முடியும்‌ என உதார்விட்ட ஒரு சாமியாரை பேட்டி எடுக்க. பேட்டியெல்லாம்‌ எடுத்து முடித்து, அவள்‌ ஊருக்கு கிளம்பும்‌ நேரத்த...

Dude .. படம் பார்த்தேன். பலருக்கும் எதிர்மறையான விமர்சனங்கள் இருக்கலாம். ஆனால் எனக்கு படம் பிடித்திருந்தது. படத்தின் முக்கிய கருத்தாக்கம் ஆக நான் கருதுவது, உங்கள் கவுரவத்தை கட்டமைக்கவும், உங்கள் உரிமையை நிலைநாட்டவும், பெண் உடமையல்ல. தனக்கான வாழ்வை தேர்தேடுக்க  உரிமை உள்ள மனுஷி.  அப்போ தாலி சென்டிமென்ட்? கலாச்சார சீரழிவு என்ற விமர்சனங்களுக்கு என் பதில்.. விருப்பமில்லாமல் கட்டப்படும் கயிறுக்கு  எந்த மதிப்பும் இல்லை. களவும் கற்பும் தமிழர் நாகரிகம். ஒருவரை ஒருவர் விரும்பி, ஊரறிய  இன்னாரின் மனைவி என்று அறிவித்து கட்டப்படும் கயிற்றை கட்டியவனை அந்த பெண் ஏற்றால் தான் அந்த கயிற்றுக்கு மதிப்பு. இதை தான் கண்ணகி அனைத்தும் இழந்து வந்த கோவலனிடம் "போற்றா ஒழுக்கம் புரிந்தீர் யாவதும் மாற்றா  உள்ள வாழ்க்கையேன் ஆதலின் ஏற்று எழுந்தனன் யான்” என கூறினாள்-" யாராலும் மாற்ற முடியாத அன்பை உம் மீது வைத்திருந்தவள் என்ற காரணத்தால் நான் நீர் கூப்பிட்ட உடனே எல்லோரையும் விட்டு உம்மோடு புறப்பட்டு வந்துவிட்டேன் என்று  கூறுகின்றாள். அதாவது நீ கூப்பிட்டதால்  வரவில்லை, நான் விரும்பியதால்,...

கடாரமும் முந்நீர் பழந்தீவும் வெற்றி கொண்டு, கீழை கடல் பிராந்தியம் முழுவதும் வெற்றி கொண்ட சோழர் படை பெரும் ஆராவரத்துடன் நாகை துறைமுகத்தில் தரை இறங்கி கொண்டு இருந்தது. லட்சக்கணக்கான வீரர்கள், சொந்தங்களை விரைவில் காண போகின்றோம் என மகிழ்ச்சி பெருக்குடன் தரை இறங்கி கொண்டு இருந்தார்கள். வீரர்கள் மற்றும் கப்பல்களின் எண்ணிக்கை கொண்டு பார்க்கும் போது தரை இறங்கவே ஒரு பொழுது கடந்து விடும் போல் இருந்தது. இதை எல்லாம் பெரிய மரகலத்தின் விளிப்பில் இருந்து பார்த்து கொண்டு இருந்தார் மாமன்னர் ராஜேந்திர சோழர். 50 வயது கடந்தாலும் உடம்பின் தசைகள் இறுகி, வாலிப முறுக்கொடு தான் இருந்தார். கடற்கரை காற்று அவரது வெள்ளி முடிகளை அசைத்து சென்றது. மறைந்து கொண்டு இருக்கும் கதிரவனின் பொன்னொளியில் மன்னரின் தோற்றம் அழகாக இருந்தது. மன்னரின் எகாந்தத்தை கலைக்கும் வகையில் மேல் தளத்திற்கு யாரோ படி ஏறி வந்து கொண்டு இருந்தார்கள். ஓ! ராஜேந்திர சோழரின் தளபதி அருள்மொழி.50 வயது மதிக்கலாம். “ வா! அருள்மொழி! தரையிறங்க ஏற்பாடு ஆகிவிட்டதா?” “ ஆகி விட்டது அரசே! தங்களை பூரண கும்ப மரியாதையோடு அழைத்து செல்ல, அனைத்தும் தயாராகி விட்டது. புறப...